Amdanom
Rydym yn wersyll pebyll teuluol wedi ei deilwra ar gyfer cerddwyr a seiclwyr ar fferm weithiol ger cyrion tref farchnad hanesyddol Machynlleth yng Nghanolbarth Cymru. Rydym wedi ein lleoli ar gyffordd dau o lwybrau pennaf cenedlaethol Cymru - Llwybr Glyndŵr a Llwybr Arfordir Cymru - hanner milltir i'r de o Fachynlleth.
Boed yn daith gerdded neu feicio mae Gwersyllfa Glyndŵr yn fan delfrydol ar gyfer y gorffwys sydd yn fawr ei angen wedi siwrne hir, neu fel safle ar gyfer anturio drwy Dyffryn Dyfi a Mynyddoedd Cambria.
Dyma safle wair yn swatio mewn llannerch a golygfeydd godidog o Eryri a Choedwig Dyfi ble yr ydych yn rhydd i godi’ch pabell ble a fynnwch
Mae bothi clyd a chyfforddus hefyd ar gael, gyda gwely dwbl, stôf goed a chyfleusterau ynni adnewyddadwy
Fel fferm weithiol, yn anffodus ni allwn gymodi cŵn ar y safle.
Cedwir y maes gwersylla’n rhydd o geir er lles eich heddwch a'ch diogelwch. Mae maes parcio gerllaw, ac fe ddarperir berfâu i westeion ddadlwytho eu cerbydau os oes angen.
Lleoliad
Dyffryn Dyfi
Gellir mwynhau tirwedd wyrddlas Dyffryn Dyfi ar ei orau ar Faes Gwersylla Glyndŵr. Rydym wedi ein lleoli uwchben yr Afon Ddyfi wrth iddi ymdroelli tua Bae Ceredigion, lle perffaith ar gyfer saib heddychlon sydd hefyd yn darparu mynediad i holl atyniadau tref Machynlleth a Dyffryn Dyfi.
Cerdded
Fe ddarganfyddir Gwersyllfa Glyndŵr ar ganolbwynt dau o Lwybrau Cerdded Cenedlaethol Cymru, os ydych yn cerdded Llwybr Glyndŵr neu Lwybr Arfordir Cymru fe ddewch ar ein traws. Rydym hefyd yn faes gwych i'r rhai sy'n troedio llwybrau cylchol byrrach Canolbarth Cymru, megis Llwybr Dyffryn Dyfi.
Beicio
Ydy beicio mynydd, dilyn llwybrau seiclo ynteu feicio teithiol at eich dant? Os felly, byddai Gwersyllfa Glyndŵr yn lanfa ddelfrydol. Mae Llwybr Beicio Traws Eryri yn cychwyn ym Machynlleth, rydym ar gam 3 o Daith Feicio Lôn Las a diolch i'w dirwedd mae Bro Ddyfi bellach yn gartref i rai o lwybrau beicio mynydd gorau'r DU.
'Y fro deg, hyfryd yw,
A heddwch yn nawdd iddi'
Dyffryn Dyfi - Gwilym R. Tilsley
Ymholiadau
Gwersyllfa Glyndŵr Campsite, Brynglas, Glaspwll, Machynlleth, Powys, SY20 8TY